السبت، 10 أكتوبر 2009

اعتزار



خلاص انا بعتزر

لكل غالي وصديق

كان شيء جميل وانكسر

كانت حادثه علي الطريق

كان قاعد جنب مني

كان في مصنعنا فني

ياما اتعلمت منه

كان في المهنه رفيق

وعرقنا كان مرقنا

سرقوا حلمه البريء

شوفت ابني يا بشمهندس..

خلاص في تالته ثانوي

بكره هيكون زميلك

كان حلم جميل بينوي

وفجاءه الحلم راح

ومفيش في ايدي شيء

سفاح اغتالوا منه

بيقولوا عليه طريق

وزميلي كان بينزف

والكل جاب جرايد

وبسرعه غطتوا رجله

اسعااااف ياناس غيتوناااااااااااا

وانا واقف جنبه ببكي

وقول خيبت ظنه

شوف ساعه يا امريكاني.,

ومحدش فينا سأل!

وصراخه ساكن وداني

وهم يهد الجبل

بقي لو ابن فلان

اليّ علي الشاشه بيبان

الكل كان هيجري....

ومع انه ابن البلد دي

انا عارف انه نصيب

ومسطر علي الجبين

بس بردو هقول

يا اخولنا العدل فين

ما انا بردو بحبها

وهي في الاصل امي

وكنت حارس ارضها

تلت سنين من عمري

بس الواحد ساعات

علي الهم مش بيقدر

ودموعه من سكات

تنزل علي الخد تنحر

عارف حكايتي معاها

زي ام وجنين

تزعل يوم من ضناها

وتكره من قال امين

هحبك ليه يا بلدي



هحبك ليه يا بلدي

وانتي ظلمك ماليني

ومّرك طعموا فاض

وشهدك مش لاقيني

وصوت الحق مات

وسمك بيداويني

وضاع مني السُكات

وباعوا نورك يا عيني

ما انتي بلد الكبار

وابنك ما يساويش

حكموا فيكي وظلموا..

هيغورا؟ مين يعيش!

تاجروا بقوتي وحياتي

تاجروا في روحي ومماتي

وانا صاحي بيبعوني

وانا ميت ينهبوني

خلاص

خلاص

خلاص حقك عليّه

انا تايه او جحود

ما انتي ارضي وبلادي

وانتي وطن الجدود

بس بجد يا امي

عدلك وحشني موت

وان كان لساني طال

وان كنت غلط فيكي

ما قلبك يا ما شال

انا بدلع عليكي



حوار مع قلبي



والله وحبيت ياقلبي

وملاك الغرام

وسهرت الليل يا قلبي

معرفتش تنام

جربت السهد يا قلبي

ولوعة الفراق

وعد النجوم توهان كل يوم

ونار الاشتياق

ومعاك يا صحبي حق

ماتبطلش دق

ومين يا صحبي يقدر

يقوله بس لأ

ما انت عاشقلي القمر

ورقة الملاك

طيب يالا اشبع سهر

وسيب عقلك هناك

بتحب احلي الورود

في بستان الجمال

طيب ليه من البعد تبكي

خليك زي الرجال

وعاشقلي اجمل عيون

وتقول تعبها يهون

والله يا حلو انا خايف

ليكون اخرك جنون

وتزود المجانين

الي في الهوي دايبين

نزلوا بحور الغرام

بكل لهفه وحنين

ونزلت البحر بدري

معرفتش فيه تعوم

وموج هواها خدك

صحاك من احلي نوم

حبيبتي زي الملايكه

سكنه روحي وفؤادي

وفين ما يكون مكانها

هتكون دايما بلادي

حبيبتي نسمة صيف

حبيبتي احلي طيف

واه من نور عيونها

يشوف بيه الكفيف

حبيبتي احلي نغمه

متملش من سماعها

حبيبتي احلي اهه

تتلذذ من وجعها

نفسي اخدك في حضني

ويكون سكنك ضلوعي

بعيد عنك بتوه

وتسيل دايما دموعي

حبيبتي بحبك موت

وبقولها باعلي صوت

بعيد عن بعدك عني

اي صعب يفوت

حبيبتي انا المتيم

وفي حبك انا القتيل

ومهما احبك يا غاليه

بقول دايما قليل


يا من تشكو



يا من تشكو

هموم قلبك

كيف تحيا اذا

اعتراك اليأسُ

فان كنت يوماً

ممن اُعِزّوا

فلابد ايضاً

ان يُذَل اُناسُ

فأصبر على

كل المصائب

فلن تحيا ابدا

بلا مساسُ

ولا تَحْسِبنَّ

لكل شيءٍ

ان المُبتَلى لا

ينفعه قياسُ

فكم من سفيهٍ

انقذه حظه

وكم من عاقلٍ

اهلكه الاحتراسُ

فأدرأ همومك

عنك واعمل

فما يجلبُ

الاحلامَ التماسُ

ولاتنظر لمن

لبس حريرٌ

فيوم القيامةِ

لن ينفعه لباسُ

فاين الملوك التي

جابت الارض

ترابٌ هي الان

يوطأُ ويداسُ

لا تدع نفسك

للهم يفنيك

لا تحيا حملاً

ينتظره افتراسُ

اقطف من الدنيا

زهورها وانعم

فأنما العيشُ في

دنيانا اختلاسُ