Follow by Email

الأربعاء، 30 سبتمبر 2009

مسرحية الطمع


انا حبيت اكتب مسرحيه من الشعر العامي يعني اهي محاوله وكمان فيه مضمون ليها
اكيد هيوصلنا من متابعتها يارب متكنش غلسه اوي
كان فيه 3اصدقاء سليمان وجابر وبشندي عايشين في قريه وفيوم وهم راجعين من المولد
الي بيتعمل كل سنه في قريتهم دار بينهم الحوار التالي:-

سليمان:- شوفت المولد ياد يابشندي
كأننا هيصنا وكلنا الدندي

جابر:- اه والله صحيح ياولاد
وطفنا مقام سيدي المقداد
وشوفنا الحاوي والغازيه سعاد

بشندي:- احلى حاجه شربنا قازوزه
وجيبنا هريسه وكلنا بالوظه

وفجاءه شاف جابر شنطه مرميه علي جنب الطريق


جابر:- شايفين يا ولاد الشنطه داهيه
هناك اليّ علي جنب الزراعيه
ياترى مين فاتها وليه مرميه

بشندي:- يالا اوام يا عيال نفتحها
يمكن فيها محشي ولحمه

جابر:- لحمة ايه يابن المفجوعه
خليّ كلمتك تكون مبلوعه

سليمان :- لحمة ايه بس يابجم
مش يمكن فيها هروين او لغم

بشندي :- بس يا وله نشفت في دمي
خلاص راح افوتكم واروح عند امي

جابر:- بس خلاص انا رايح وسيبوني
بس امانه ان مت ابقوا ادفنوني

بشندي :- بس موت انت واحنا هندفنك ونهيصك
وسع يا جدع الامبله هتنفجر

جابر :- ها يا ولاد انا صاحي ولا انا مت

بشندي:- لا يا اخويابسبع ترواح زي القط

سليمان :- افتح يلا اوام الشنطه
خليها تخلص ليلتكم العتمه

جابر :- طيب خلاص انا هفتح اديني
فيكي ايه اوام وريني؟؟؟؟ فلووووووووووووووووس

وهنا بقي لعب الشيطان لعبته وكل واحد من التلاته طمع في الفلوس
وفكر يخلص من اصحابه الاتنين

جابر: بصوا يا جماعه نهدى شويه
ناكل لقمه ونشرب ميه

بشندي:- خلاص انا رايح اجيب الميه
فريره واجيلكم استنو شويه

سليمان :- وانا هقوم اجيبلنا لقمه
الشنطه دي اصلها هديت حيلنا

جابر: لازم يموتوا هم الاتنين وساعتها الشنطه كلها ليه
بشندي: هما فاكرني اهبل وعبيط هاحط السم ليهم في الميا
سليمان: فرصه وجتلك لحد الباب لازم اتغدى بيهم قبل مايتعشوا بيا

جابر: سليمان بص واسمع مني كلمتين
فلوس الشنطه لينا احنا الاتنين

سليمان:- طيب وباشندي
جابر:- لما يجي هديته عندي

جابر:- استني اقف يا بشندي متمشيش ولا خطوه
خد دي في جنبك بسن المطوه

بشندي:- ااااااااااااااااااااااااه يا خولنا هتولي ابويا وعمي
صحابي خانوني وسرقوا حلمي في جاموسه لامي

جابر : اقعد بقي ناكل ونهيص
بشندي اهو مات اتحزم وارقص

سليمان:- لا ياعم انا نفسي انسددت
كل انت وانا قاعد امدد

جابر:- اااااااااه يا بطني ينهار اسود كله غيوم
اكل سليمان اكيد مسموم

سليمان :- اخيرا خلاص الشنطه دي ملكي
وكل الي فيها دا مالي وحقي
وفلوسها دي جت بشقايا وتعبي
هو انا ريقي ناشف كدا ليه
هشرب بقين ميه تجريه

ااااااااااااااااااه حتي انت كمان يا عبيط
يلي متعرف غير التنطيط
شوفتوا يناس ازاي الطمع
يهد الناس ويقل ماجمع
شوفتوا ياناس اااااااااااااااااااااااااااااه

ونزل الستار علي مسرحيتنا ومعاه نقول كلمتنا الطمع يقل ما جمع

ليست هناك تعليقات:

إرسال تعليق