نزلت البلد في الاجازه لقيت الفلاحين مهمومين
يوم الحصاد الي بيكون اسعد الايام الكل فيه حزين
معظمهم بيأجروا حتة ارض ياكلوا ويأكلوا عيالهم
خسروا في الرز والقطن بردو مش جايب همه
والحكومه مغليه عليهم كل حاجه السماد والبزور والدوا كل حاجه
نفسي خبراء الزراعه يقعدوا كدا يحسبوها معاهم يشوفوهم هيعيشوا ازاي
وهم بيخسروا ما علينا:-
فلاح بلدنا اليّ خيره
فاض عليه وزاد لغيره
بزرعه الأخضر
ولا بجاموسته ولا طيره
ودي حقيقة مش خيال
اليّ دربة فاسه جنه
ورود وخُضْره
وزَرع القمح عشانا
ونأكله وما ندره
وكمان فواكه للعيال
صوته اندبح
قلبه انجرح
ريقه نشف
وفيه في باله ميت سؤال
هو إحنا إيه
مش بردو منكم
ووقت الجد
شيلنا عنكم
وف الحق صوتنا
صال وجال
ليه بقراراتكم تسرقونا
تعيشوا انتم وتقتلونا
ليه سكتم ؟؟؟
مات ضميركم ؟؟؟
ههههه ضميركم !!!!ضمرهم اّل
القطن باظ والرز حاس
ولاعادة زرعه لينا نافعة
وحالنا مال
شوفوا سعادة البيه
سرقنا
سرق عرقنا اليّ كان
مرقنا
من لفحة الشمس فيه
غرقنا
والأرض قاسيه
ونفسه ناسيه
وراح وقال
هي دي أسعارنا وانسوا
كل اُولكوا اليّ هتقولوه
هو كدا.. وإذا كان عجبكم
مش عجبكم اشربوه
دا انتوا بالوى
وحالكوا حال
طيب يا بيه
اصتنت لينا وشوف
ما كله باين
والحساب ع المكشوف
بيتنا خرب
وخسارتنا وصلت للألوف
ولا انتم ايه
تخربوها من غير سؤال
قولنالكم ياما وصوتنا راح
وحق الناس ليكم مباح
مليتوا قلوبكم غرور وقسوه
ياليّ نفوسكوا رخيصه وما تسوه
مات شعوركم؟؟ف يوم هتحسوا؟؟
شيء محال
خلاص يأسنا
وشُكانا ديماً للإله
لوصنا وحوسنا
من كل ظالم
وعنده جاه
لو قولنا يوم
ليه يمين
يقول شمال
ليست هناك تعليقات:
إرسال تعليق