هقول وهكي
علي حكايات
معاها نفتش
كل اليّ فات
في يوم جميل
ومفيش محاضره
هواه عليل
والصحبه حاضره
كان فيه وحيد
وعلي وسماره
من القسم عندي
ومدني وعماره
على فين العزم؟
اداب.. تجار
هنشوف بنات
نشرب سيجاره
وروحنا شوفنا
شلل كتير
فيهم صغير
وفيهم كبير
قدامنا قاعدوا
تلت بنات
حلوين صبايا
سكر نبات
قولت اما اهيص
واعيش وامثل
واعدل هدومي
واروح واسبل
بصتلي واحده
غمزت وضحكت
وغروري خدني
وظنوني فرحت
قولت خلاص
اروح هناك
دا رمش عيني
فيه الهلاك
وروحت ليها
وقبل اما انطق
لاقيت جمالها
خطير ما يعتق
ووقعت فيها ما
جيبت منطق
فجاءه التقيت
الدنيا عتمه
اتاريه خطيبها
بطل الملاكمه
وكان فايتها
وبيعمل مكالمه
هو التقرير الطبي كان بيقول تجمع دموي في العين اليسرى مع ارتجاج شديد
بالمخ والعديد من الكدمات في انحاء الجسم المختلفه.
الساحر الابيض,,,
ليست هناك تعليقات:
إرسال تعليق