تسألني بحبه ليه
ودايما ملهوف عليه
وتتعجب من حنيني
وضعفي بين اديه
هقولك غصب عني
دا ملاك جميل فاتني
وروحي بعيشها فيه
بحبه وحبه فاتلي
جوايا حنين قاتلني
وقلبي الشوق مليه
بحبه ابو ضحكه صافيه
ابو نظره ولمسه دافيه
بحبه جريء مسامح
وروحه ونفسه وافيه
بحبه ابو قلب طيب
رقيق جميل قريب
وقول لو عمري ياخدو
هافديه واقوله طيب
واتعذب من بعاده.
ولو عشت سنين قصاده
ولو يوم بعدت عنه
بيوحشني في كل ثانيه
تلاقيني بغير عليه
من نفسي ومن اديه
لو لمست يوم خدوده
ابقي مخصمك يا دنيا
وفي همي وانشغالي
الاقيه يروح واخدني
يطلع بيا السحاب
في سنين ملهاش حساب
مشتاقلك يا حياتي
بس الحظ معاندني
وياك وفي حضنك انت
بحس انا بكياني
واشوف كوني بعيونك
واتنفس من هواك
ومعاك وبفضلك انت
بعيش انا في زماني
ولايمكن يوم هخونك
لوحدي او معاك
ليست هناك تعليقات:
إرسال تعليق