السبت، 10 أكتوبر 2009

هحبك ليه يا بلدي



هحبك ليه يا بلدي

وانتي ظلمك ماليني

ومّرك طعموا فاض

وشهدك مش لاقيني

وصوت الحق مات

وسمك بيداويني

وضاع مني السُكات

وباعوا نورك يا عيني

ما انتي بلد الكبار

وابنك ما يساويش

حكموا فيكي وظلموا..

هيغورا؟ مين يعيش!

تاجروا بقوتي وحياتي

تاجروا في روحي ومماتي

وانا صاحي بيبعوني

وانا ميت ينهبوني

خلاص

خلاص

خلاص حقك عليّه

انا تايه او جحود

ما انتي ارضي وبلادي

وانتي وطن الجدود

بس بجد يا امي

عدلك وحشني موت

وان كان لساني طال

وان كنت غلط فيكي

ما قلبك يا ما شال

انا بدلع عليكي



ليست هناك تعليقات:

إرسال تعليق