Follow by Email

السبت، 19 مارس 2011

الحب الواهن

شايفك متغيره

مش عارف بيك ايه

الخوف فيك اتأرى

وعيونك بداريه
.........................
خايفه المح عنيكي

لو صورته فيوم تبان

الشوق بيبان عليكي

وحنين لايام زمان
..........................
بدارى؟! انا قلبي شايفك

سامعك بتغنى همسه

باينه رعشة شفايفك

لو تنطق يوم باسمه
............................
ليه زمان قلتي بحبك

قلتي ليه فهواك بموت

قلتي نفسي اعيش فقلبك

ليه الكلام سبق السكوت
...............................
قلتي ليه يا حبيبي بحلم

كل يوم المس ايديك

ليه هويت كان موتي ارحم

تبقى جنبي ومش لاقيك
...............................
كنت نوري وكنت ظلي

كنت الامل عايش عليه

بعدك انتي ايه فاضلي

كنت طيفي ومش لاقيه
....................................
بلاش دموع مخلاص يا عيني

حبيب سنيني مش هاويني

يبقى ليه نبكي عليه

حبه عايش جوه قلبه

لوقلت ميت مليون بحبه

دا بيبقى جنبي ويشتهيه
.....................................
هعمل ايه ما انا لازم ابعد

هروح بعيد ودموعي تجمد

وقول يارب يعيش سعيد

هختفي واكتم اهاتي

وصورته جنبي ليوم مماتي

وفوسط ناسي هعيش وحيد
...................................
صدقيني هحاول انسى

وخلي قلبي يفوق ويقسى

بس عارف دا مستحيل

لكن اوعدك عمري ماقبلك

موتي يوم مارفضني قلبك

وعن عذابي مفيش بديل

ليست هناك تعليقات:

إرسال تعليق