Follow by Email

السبت، 19 مارس 2011

ان قلت يوم او مش هقول

شيء كبير شرحه يطول

ما انت ماما وانت بابا

وباديك زادو الغلابه

وانت راعي لديابه

وانت قمه ف الخطابه

منغير يمين لمسك ربابه

واهتف واقول مغرم صبابه

ههتف واقول واعمل مطنش

قرشين حشيش واقعد احشش

ودماغي دا يكبر يمشش

امشي الوء بدماغ مبوش

بمتش كوره هضحك و فرفش

ولو اتغلبت اغضب واكرمش

مانا لو صحيت ودماغي نعنش

هلاقي الكل عمال بيهبش

وان قلت لأ هدخل وفيش

افايه يصرخ بدراع مكلبش

واطلع عليل بدماغ مفشفش

اخر كلامي انا مش بهوش

الشعب كله عمال يلوش

والغيلان تخرج تكوش

وانت قاعد عمال تشيش

وعجبي

ليست هناك تعليقات:

إرسال تعليق