(البصبصه)
الشيطان
يعني خلاص صليت الفجر..... فكرك إني زهقت واسيبك
الإنسان
يارب تقبل مني الفرض..... واغفر ليه بحق حبيبك
الشيطان
تعالي يا حلوه يابنت خليل... ياسلاح فأيدي ملوهش مثيل
الإنسان
أما أروح اسعي لرزقي...... واشكر ربي لو حتى قليل
الشيطان
بص ياواد البت دلال...... خلاص احلوت وبقت عال
الإنسان
بسم الله مشاء الله....... وش مدور وكله جمال
الشيطان
خش عليها وارمي سلام.... سلام لله واهو كله ثواب
الإنسان
صباح الخير يا احلي صبيه...عاوزه مساعده هشيلك شيلتك لحد الباب
الشيطان
بص يا خايب بص وشوف.... شعر طويل ووش مدور وعودملفوف
الإنسان
لأ والله عيب ودي تيجي... أدخّلِك البيت ودي فيها كسوف
الشيطان
بس دي فرصه تمام يا معلم... خش اتلحلح يلا اتكلم
الإنسان
شوفي يا شيخه قلة زوق.... نسيت أصبح عليكي واسلم
الشيطان
شوفت أيديها حلوه طريه.... زى كنافة باللوز محشيه
الإنسان
اخص عليك خايب وجبان... لو أبوها غايب فين الرحمن
ابعد يا شيطان أنا مؤمن بالرحمن .... أنا مؤمن بالرحمن
الساحر الأبيض,,,
الأربعاء، 30 سبتمبر 2009
حوار مع الشيطان (2)
الاشتراك في:
تعليقات الرسالة (Atom)
ليست هناك تعليقات:
إرسال تعليق