مجموعة حلقات عباره عن حوار بين الشيطان والانسان في مواقف مختلفه
اول حلقه هي صلاة الفجر نشوف مع بعض مين هيغلب النسان عاوز يقوم يصلي والشيطان بيوسوسله (يارب تعجبكم)
الانسان
نور الفجر اهو هل وبان......... هقوم اصلي للرحمن
الشيطان
يا جدع نام جسمك تعبان.......... شد لحافك متبقاش خيبان
الانسان
ايه انا مالي مكسل ليه.......... جسمي مفكك من الشيل والحط
الشيطان
ايوه اهو كسل يا اختي عليه........... نام يا منيل نام وانبط
الانسان
لا مش نافع لازم اقوم............... فين هداري من القيوم
الشيطان
ياخي مش حاجه ناملك يوم........... طول عمرك عايش قلبك محروم
الانسان
هستني شويه لما ياذن.............. وبعد شويه هقوم وبجد
الشيطان
يا ابني دا حالك حاجه تحزن ........ لسه هتمشي في عز البرد
الانسان
لا انا لازم اصحي وصحصح......... دا طاعة ربي فوق الكل
الشيطان
يابن الايه عملي ملحلح................ لازم اسقيك من العار والذل
الانسان
كان غيرك اشطر روح يا شيطان........ انا مؤمن بالرحمن
................انا مؤمن بالرحمن................................
,,,الساحر الابيض
-
الأربعاء، 30 سبتمبر 2009
حوار مع الشيطان
الاشتراك في:
تعليقات الرسالة (Atom)
ليست هناك تعليقات:
إرسال تعليق